[Khua thu] Khaikam khua leh pakhuan

Khaikam khua pen 1966 kum pan kipan Sizang Zomi pawlkhat te ii ten masakna hi aa, a masa in Tai kua veng kici hi. Khuasak (Theizang) gam le Kawl zang gamgi hi aa, khamh le zaang mualnuai lian ah om hi. 1979 kum Lt.Col. E.K. Kim Ngin ii Zogam lambu a sep hun sungin Khaikam khua ci in a min laih a, tua mun ah Pu Khai Kam pakhuan hoih mahmah khat ki koih ahihi. (Ahi zongh in, Kawl te' ong bawlsiat na tawh hih pakhuan hoih mahmah pen, ong ki sia cih theih phial ahihi.)

Khaikam khua ah Lam sap ngen (gate) te ii phual, Palik zum, Forest zum, Basic Education Primary School, MPPE le ganno khawi na cih te om hi. Khat vei lai in Zogam lambu te vaihawm na tawh khuaimei (eletric) zongh om ngei hi. Khaikam leitang tungah kumpi te in College khat hong koi aa Kalay College kici aa, tu ciangin Kalay University kici ta hi.

Biakna tawh kisai in Khaikam Sizang Tuiphum Pawlpi 1997 kum in kiphut aa, nawngkai tampi tak phul kha uhhi. 2003 kum ciang TSBC te in Pawlpi khat sat aa, tu dong SRBA sungah Pawlpi kip khat in om hi.